02 giugno 2007 
Da tanto tempo non scrivevo una ricetta in dialetto siciliano. Ora è il caso di riproporne una, intanto un proverbio: " Panza cuntenti, cori clementi, panza dijuna, nenti perduna!". non mi sembra il caso di tradurla.
Ricetta: Panelli e cazzilli.
li panelli sunnu "guastiduzzi (frittelle) fritti di pasta di ciciri", gruassi dui o tri millimitri a forma di rettanguli ( cm 4x8 ). Si preparanu faciennu scioglieri a friddu ducientu grammi di farina di ciciri?ntre miezzu litru di acqua ccu lu sali e lu pitrusinu ( prezzemolo). Si minti lu ricipienti 'ncapu lu focu e si arrimina sempri fin'a quannu addiventa 'na pasta cunsistenti. Si minti ancora calla nni li furmiddu di lignu e quannu è fridda fridda , si piglia e si frii nni l'uogliu callu callu. Si nun si hannu li furmiddi, si minti la pasta 'ntre 'nna piancia e poi si sparti in tanti rettangulini cuomu dittu 'ncapu ( indicato sopra). Li panelli si dunanu ' nsiemmula a li cazzilli ( sunnu cuommu li arancini di patati fatti a la bona), ca si ottieninu scacciannu un chilu di patati vudduti ( bolliti) jucennuci tanticchia d'agliu minuzzatu finu finu , pitrusinu, sali e spiezzii. Dopu si fannu tanti purpetti lungarini ca si friinu nni l'uogliu callu callu. Nni la Sicilia orientali, prima di friirili, sti purpetta li passanu nni lu biancu di l'uovu sbattutu e nni la muddica di pani.
Se non avete capito, fatemi un fischio.
ciao
Italo Surìs
Nessun commento:
Posta un commento